ghazal

meri tarh tum bhi rote ho
jab tahae mein hote ho

neend tumhein aayegi kaise
mujhse bichad ke kyon sote ho

pyar karoge pyar milega
katoge woh jo bote ho

kaise samjhega yeh koe
tum mere sab kuch hote ho

tumne kaha tha ab na mileinge
mere liye phir kyon rote ho

khushbu ka jhonka aata hai
paas kahin jab tum hote ho

pyar bahut mushkil se milta
aisi daulat kyon khote ho

'soz' ko hosh kahan rehta hai
samne uske jab hote ho

ram prakash goyal 'soz'