koi bhi hami na dekha meine bismil ki taraf
mein akela hi khada tha sabte-qatil ki taraf
badbaano aur safino ko jala dene ke baad
hamne rasman bhi na dekha mudke sahil ki taraf
nusrato azmat se shayad hum na hote hum kinar
hum agar dekha hi karte apni mushkil ki taraf
raah mein gar ho gaya ahsase nakami tujhe
badh nahin sakta kabhi tu apni manzil ki taraf
humne mana raasta to hai juda sabke 'qamar'
ja rahe hein sab hi lekin ek manzil ki taraf
haji mohammad siddiq 'qamar'
bismil - zakhmi
sabte qatil - qatal karne wala
badbaano - patwar
safino - kashtiyan
nusrato azmat - fatehyabi, kamyabi
ahsase nakami - nakamyabi ka ahsas
Subscribe to:
Post Comments (Atom)
No comments:
Post a Comment