jab se tum hamsafar ho gaye
fasle mukhtasar ho gaye
ghar main bhi ab surakchit nahin
jab se hum bekhabar ho gaye
kafle rooz lutne lage
rahzan rahbar ho gaye
muflisi hai din raat kya
sare gham uske sar ho gaye
jab se ho gaye be-amal
sazde sab be-asar ho gaye
es qadar hum ghatae gaye
ghat-te, ghat-te sifar ho gaye
unke daman pe jab se gire
"ashq" mere gauhar ho gaye
usman "ashq"
Subscribe to:
Post Comments (Atom)
No comments:
Post a Comment