ab ujale andheron se darne lage
dekhkar door se hi guzarne lage
waqt ki karvatein to zara dekhiye
hans bagulon ke ghar pani bharne lage
gayein bechari marne lagein bhonk se
aadmi ghas ko jab se charne lage
zulm ki bastiyan bas rahin raat-din
pyar ke gaon din-din ujadne lage
hasraton ke gale phansiyon par chade
dil ke arman bemaut marne lage
ab to mausam bhi hanton mein pathar liye
paglon ki tarha chot karne lage
jin parindon ko pala bade pyar se
log unke hi pankhe katarne lage
ghav bharne 'shiva' jab dava na mili
aur karte bhi kya aah bharne lage
Dr. shivaji chauhan ' shiva '
Subscribe to:
Post Comments (Atom)
No comments:
Post a Comment