Ghazal

thokrein kha ke jab sambhalti hai
zindgi aaine mein dhalti hai

patthar us ko hi mare jate hain
shakh jo bhi zayada phalti hai

zindgi kamyab wo hai jo 
waqt ke sath sath chalti hai

aatishe gham ne kar diya patthar
ab ye murat kahan phighalti hai

pa ke sab kuch kuch aur pane ki
dil mein hasrat sada machlti hai

chain ki neend ko to zardari
raat bhar karwatein badlti hai

ghar mein sab se buzurg hon 'salik'
ab kahan meri baat chalti hai

WASI MOHAMMAD KHAN 'SALIK'
mob. 8400825290