chal chuke peeche bahut ab kram badalna chahiye
aur andhiyara nahin, ab din nikalna chahiye
jhopdi kyoon kar hamari hi jali aksar yahan
dosto, es baat par bhi behes chalna chahiye
dard ke ahsas se jo bekhabar sadiyon se hai
meri koshish hai ki vo pathar pighalna chahiye
dhundhta hai ek tukda roshni jo dar-ba-dar
ek deepak aaj uske ghar bhi jalna chahiye
mahaz laffazi nahin hai geet, kavita ya gazal
zindgi ke taap main har shabd dhalna chahiye
jai chakravarti
Sunday, September 28, 2008
Subscribe to:
Post Comments (Atom)
No comments:
Post a Comment