hum to chote hain sahab aap bade hain,

hum to chote hain sahab aap bade hain, kya boleinge
lekin mere hi kandhe par aap khade hain, kya boleinge

hum nachezon se jo hanskar bol diye to, sakh giregi
es uljhan main khud se bhi to aap lade hain, kya boleinge

sach se kya kuch lena dena, bas apni hi manvane ko
aksar dekha jata zid par aap ade hain, kya boleinge

sabse nazar bacha le jate, darpan se jab huaa samna
khisiyae ya vahin sharam se aap gade hain, kya boleinge

chahe kitni bhi kuch kehlo, koi farq nahin padne ka
aise quvvat vale chikne aap ghade hain, kya boleinge

kamal kishore bhavuk