jab se rooth gaya vo mujhse rooth gaya sansar
bhata nahin hai gulshan mujhko bhati nahin bahar
titli bhi athkheli karke aati nahin qarib
bhanwaroon ka gana lagta hai, ab to bada ajeeb
dil main koi umang nahin hai suna hai ghar-bar
bhata nahin hai gulshan mujhko bhati nahin bahar
lakho jatan kiye par uus ko bhool nahin paya
dil ki gehrae main aur palkon main uuse basaya
kaise bhool sakunga uus ko hai vo mera pyar
bhata nahin hai gulshan mujhko bhati nahin bahar
khuli aankh se uus ke sapne dekh raha hoon jane kab se
ek jhalak pane ko uus ki taras raha hoon jane kab se
bin pyar ke kaise jeena, jeene se hai mera inkar
bhata nahin hai gulshan mujhko bhati nahin bahar
jab se rooth gaya vo mujhse rooth gaya sansar
bhata nahin hai gulshan mujhko bhati nahin bahar
mazhar ali "kasmi"
Subscribe to:
Post Comments (Atom)
No comments:
Post a Comment